समाजात अर्थकारणाच्या गरजांची पूर्ती करण्याच्या हेतूने वैद्यकीय व्यावसायिकांनी एकत्र येउन सन १९८९ पासून ते आज पर्यंत उत्तमरीत्या चालवलेली पतसंस्था म्हणजेच धन्वंतरी पतसंस्था होय. डॉ. रवींद्र भोसले, डॉ.क.श्री.लाहोटी आणि त्यांच्या सहकारी मित्रांनी स्थापन केलेली हि पतसंस्था सातत्याने प्रगती करत असून स्थापणे पासून दरवर्षी सर्वोच्च ऑडीट वर्ग अ मिळवत आहे. या संस्थेची सुरुवात संस्थापक डॉ.रवींद्र भोसले यांचे पवित्र वास्तूत झाली. प्रथम २५२ सभासदांचे कडून रु.६१७००.०० भांडवल गोळा करून संस्थेने आपले कामकाज सुरु केले. आज संस्थेने सहकार क्षेत्रात आपल्या कर्तृत्वाचा ठसा कायम केला आहे. सहकारातील नियम व अटीच्या अधीन राहून उत्तमरीत्या सहकाराचा विचार सभासदांच्या व संस्थेच्या हितासाठी वापरण्याचे सांघिक कार्य कसे करावे याचे धन्वंतरी पतसंस्था एक उत्तम उदाहरण आहे.

संस्थेने आर्थिक स्थिती भक्कम करत सभासदांच्या शारीरिक, व मानसिक विकासासाठी बॅडमिंटन,टेबल टेनिस, बुद्धिबळ,कॅरम खेळाची सोय केली.तसेच प्रत्येक सभासदांचा रु.एक लाखाचा अपघाती विमा, मोफत वाचनालय, संस्थेची वेबसाईट इ. गोष्टी सुरु केल्या. वसुलीच्या भक्कम पायामुळेच आजमितीस सुरुवातीपासून प्रत्येक वर्षी वसुलीचे प्रमाण ९८% चे पुढे आहे.